إن كنت من الناس إللي بتفضل توضب اوض نوم اطفالك من قبل الفرح وبتقول بالمرة نخلصها مع توضيب الشقة  أو إنت شخص عملي أكتر وشايف إن ده المفروض يتعمل قبل ما البيبي يشرف أو حتى بعدها ففي الحالتين إنت مضطر انك توضبها. فترة توضيب غرف نوم اطفال ممكن تبقي صعبة شوية لأنك عايز حاجة عملية وعصرية وتعيش فترة كبيرة وتستحمل لعب و شخبطة الاطفال. في المقالة دي هنساعدك تختار دهانات غرف نوم اطفالك والحاجات إلي محتاج تعرفها عشان تعمل غرف أطفال مودرن تليق مع باقي الشقة .

دهانات غرف نوم أطفال

خلينا في الاول نتكلم عن الدهانات، كل فترة بتطلع صيحات جديدة في الوان دهانات غرف نوم الاطفال ولكن من الحاجات إللي مش بتقدم أبداٌ ومكملة معانا في 2020 هي اللون الأبيض وده بسب انك تقدر تستخدم معاه أي لون وبرده هيليق أو تسيب الدهانات باللون الأبيض وتجيب الاثاث بلون مختلف.

 اللون الرمادي بدرجاته ولكن باستثناء الدرجات الغامقه طبعا. الرمادي في دهانات غرف نوم الأطفال يعتبر الاختيار الامثل لأنه هيستحمل أكتر من الابيض وبيليق جداٌ مع اللون البينك لو الطفلة بنت او مع اللون اللبني لو الطفل ولد. ورق الحائط من الحاجات إللي مكملة معنا في تصاميم غرف نوم أطفال 2020 برده وده لأنه بيدي شكل حلو وملفت. لو بتفكر ف ورق حائط يفضل يكون على حيطة واحدة بس من الغرفة وميكنش حاجة أطفالي أوي عشان يعيش مع الطفل ويكون مناسب لكل مراحل نموه.

لو خلاص استقريت على لون غرف نوم أطفال وجه وقت التفكير ف ازاي نعمل غرف أطفال مودرن ومريحة للاطفال فالموضة في غرف نوم أطفال  هي إستخدم ال-bean bags بألوانها الزاهية وتوفير إضاءة كافية ومريحة للطفل ودة ممكن يكون عن طارق الشبابيك لو موجودة أو وحدات إضاءة تكون مودرن ومناسبة. يفضل إن السرير يكون في نص اوض نوم اطفالك عشان يساعد الطفل على النوم أسهل وأسرع. 

دي كانت نصايح ومعلومات سريعة عن أحدث تصاميم غرف نوم أطفال ٢٠١٨، لو لسه عندك تساؤلات عن أي حاجة تخص اوض نوم اطفال أو ازاي تعمل غرف أطفال مودرن أو حتى لسة عندك تساؤلات عن دهانات غرف نوم الأطفال اتواصل معنا واحنا ف Social Buildingz أكيد عندنا رد لكل استفساراتك دوس هنا .