قرار التشطيب في شقتك هو اول خطوة بتحققها في بناءً وتحديد هويتك المستقبلية لبيتك ، بس زي مافي مراحل مختلفة للتشطيب زي ماكمان في اختلاف في أنواع التشطيب في شقتك ، وهتعرف الفرق بين كل نوع فيهم  وإزاي تقدر تستلمه من الشركة او المقاول المسئول عنه بأفضل جودة وزي مأنت محتاجه بالظبط لأن تشطيب الشقة ومستواه هو العاكس الأساسي لجمال وروح الشقة و المعبر الأكبر عن هويتك المستقبلية اللي تبنيها في بيتك

اقرا ايضا : انواع تشطيب الواجهات الخارجية.. تعرف على مزايا وعيوب كل منهم!

انواع التشطيب في شقتك 

النوع الأول ، تشطيب على الطوب ( بدون تشطيب)

في الحالة دي بتكون الشقة بأكملها على الطوب الأحمر وبدون اي تجهيزات أساسية  زي توزيعات الكهرباء أو المياه واللي فيها بيكون مطالب منك انك تجهز كل التجهيزات الأساسية في بيتك وتبدأ في التخطيط ليها بشكل سليم

النوع الثاني ، تشطيب نصفي ( نص تشطيب )

ودي الحالة اللي بتكون عليها الشقة مجهزة في بعض الأجزاء زي المحارة وحلقان الجدران و الكهرباء و المياه و الصرف الصحي

بس النوع ده له مجموعة من العيوب و بعض من المزايا

من مزاياه انه بيوفر عنك مجهود ووقت التشطيب والتكاليف المالية اللي ملزم بيها مع الصنايعية والمقاولين

ولكن من اول عيوبه هو إنك بيبقى في اختلاف عن رغباتك الشخصية في توزيعات الكهرباء والمياه و مستوي المحارة اللي محتاجها

وفي بعض الأشخاص يلجأون للتكسير لتعديل توزيعات الكهرباء والمياه وإصلاح مستوى المحارة

اقرا ايضا : تشطيب واجهات.. تعرف على أفضل الشركات مع سوشيال بيلدينجز!

النوع الثالث ، تشطيب كامل ( التشطيب المتكامل )

وده الحالة اللي مش محتاج تعمل فيها اي حاجة غير إنك تبدأ تجهز لديكورات بيتك واختيار الالوان والاثاث

الشقة بتبقي مجهزة من جميع الأجزاء  مواسير و سلك وعلب  الكهرباء  والسباكة وتأسيسها و جميع مراحل المحارة والنجارة و السيراميك والدهان المبدئي

وقتها بتكون في غني عن استهلاك وقت ومجهود وتكاليف مع الشركات والمكاتب الإنشائية ، بس بتكون محتاج تتأكد إن كل اللي إنت مستلمه في الشقة على مستوى عالي من التنفيذ والجودة