مصطلح دريسنج روم اشتهر اوي في الفترة الاخيره وخصوصاً في الشقق والبيوت المودرن. وتعتبر دريسنج روم هي غرفة مستقلة لحفظ الملابس والاحذية. والكتير من الناس ابتدى يتجه ليها وده لأنها عملية اكتر من الدواليب الخشب العادية ولقدتها على احتواء كل الملابس والالكسسوارات والاحذية في مكان واحد وبشكل لطيف. في المقالة دي، جمعنا ليك كل المعلومات اللي نمحتاج تعرفها عن الدريسنج روم.

اشكال دريسنج روم

بتختلف اشكال الدريسنج روم على حسب زوق صاحب البيت وحسب المساحة ورأي مهندس الديكور ولكن من الاشكال المشهورة جداً للدريسنج روم هي الغرفة المتغطي حوائطها كلها بالدواليب ذات الالبواب بحيث تكون الملابس مخفية داخلها. من الاشكال المعروفة ايضا الدريسنج روم المغطاه بالدواليب لكن ذات الابواب الزجاج او المفتوحة او الدريسنج روم على شكل حرف Lوالركن الرابع بيكون للمراية او الدريسنج روم على شكل حرف ال  U.

اقرا ايضا : استغلال المساحات الصغيرة بسهولة وأقل تكلفة

ازاي تختار الدريسنج روم المناسبة

زي ما ذكرنا ان الشكل بيختلف حسب المساحة فلوكانت مساحة غرفتك صغيرة يفضل تنفيذ دريسنج روم ذات درف تفتح بطريقة السحب عشان متزحمش المكان. اما لو الغرفه حجمها كبير ممكن تختار دريسنج روم على شكل حرف U وبتتفتح بأبواب عادية. اما اذا كانت الغرفة بزاوية هيكون شكل ال L هو الاختيار الافضل ليك. متنساش كمان وجود مرايا بحجم كبير ولوالمكان مساعد ممكن تضيف ارفف للاكسسوارات والاحزمة.

اساسيات الدريسنج روم

الدريسنج روم زي اي غرفة لازم تهتم فيها بنوع الخشب والاضاءة والارضية. فبالنسبة للإضاءة فلازم اضاءةالدريسنج روم تكون قوية من خلال النجف او وحدات الاضاءة الاخرى، من الممكن كمان تزود اسبوتات للإضاءة داخل الدواليب لو حجمها كبير عشان تسهل عليك انك تلاقي ملابسك بسهولة. اما عن الارضية في الدريسنج رومفممكن تختار الارضيات الباركية عشان تليق على الدواليب او تختار الموكيت وده هيكون حل عملي في الشتاء. اما عن خشب الدريسنج روم فمن الافضل يكون من نفس خشب غرفة النوم وممكن تدهنه باالون المناسب ليك او يكون خشب مطفي عادي.

واقرا ايضا: 9 افكار ديكورات لاستغلال الاماكن الفارغة في بيتك

لو لسه عندك اسئلة بخصوص الدريسنج روم او عايز تعرف تشطيب شقتك هيتكلف كام كلمنا بسرعة واحنا في Social Buildingz اكيد عندنا الرد غلى كل استفساراتك كل اللي عليك تدوس هنا