البلكونة تعتبر مكان مهم جداً في الشقة وفن تنظيم البلكونة او ترتيبها مش سهل على البعض مع ان البلكونة المنظمة اللي شكلها حلو ممكن تساعد في تحسبن المزاج. البلكونة مش مكان للتخزين ولا مكان التراب و الكركبة. ديكورات بسيطة تكلفتها قليلة جدًا ممكن تغير من بلكونتك و تخليها مكانك المفضل في الشقة. هنا جمعنا ليك افكار بسيطة وغير مكلفة عشان تغير من شكل البلكونة وتستغلها الاستغلال الصح.

ديكوات الاثاث

اثاث و البلكونة بيختلف كتير عن أثاث الشقق نفسها. تقدر في بلكونتك تختار من بين كراسي البامبو الخشبية او الBean Bags او حتى الوسائد العربي الملونة (الشلت) مع تلرابيزة صغيرة في الوسط. من المهم انك متزحمش البلكونة بالاثاث الكتير و الاكتفاء بعدد كراسي قليل خصوصا لو المساحة صغيرة.

 الارضية

ارضية البلكونة مش لازم تتبع ديكورات الشقق من حيث السيراميك او السجاد, تقدر تزين ارضية بلكونتك بقطعة صغيرة من الحصيرة الملونة او الخوص او تفرشها بالنجيلة الصناعية عشان تضيف احساس الخضرة للمكان. اي كان اختيارك لديكوررات الارضية مهم انها تكون لايقة مع الاثاث.

 الاضاءة

 الاضاءة في بلكونتك تقدر تعملها بنفسك من خلال اعادة استخدام حاجات بسيطة زي البرطمانات الفارغة وجواها شمع او العبوات المعدنية. لو معندكش الوقت انك تعمل كدة ممكن تستخدم نفس الاضاءة المستخدمة في ديكورات الشقق من وحدات اضاءة صغيرة زي السبوتات او تلجأ لديكورات الاضاءة الخارجية و الكشافات.

 ديكورات الخوائط

لو اختارت الطابع العربي في  الاثاث و الارضية, تقدر بسهولة تضيف رسومات بسيطة على الحوائط او تستخدم ديكورات الجبس و تلونها على مزاجك. لكن لو اختارت طابع النبانات ممكن تعلق اواني النباتات و الزهور على الحوائط مع الارضية الخضراء من النجيلة هتعمل حجو جميل و هادي يساعد علي الاسترخاء.

احنا بنفكرك ان بلكونتك ممكن تغير كتير من مودك وتكان مكانك المفضل للفطار او شرب القهوة الصبح او الاستمتاع بقراءة كتابك. لو محتاج مساعدة في ديكورات بلكونتك او ديكورات الشقق عموما, احنا في Social Buildingz مستنيين اسألتك, كلمنا حالاً و احنا كمان نقدر نقولك تشكيب شقتك هيتكلف كام دوس هنا